يامن لعينٍ من هوى الشوق ذايبه
ويامن لقلبٍ سهم الأشواق صايبه
على هنوفٍ ما توصّف وصوفها
سبحان من تمم علاها وهايبه
أنا احسب إنْ طاري الهوى حزة الصبا
وانا احسب اني سالمٍ من سبايبه
واثره على مر الليالي مطيته
ما تستريح ولا تثنى ركايبه
جدّد على قلبي عناه ومصيبته
شوفة غضي الطرف والشمس غايبه
نهار صادفته مسير على القدم
ومطولٍ بشته ومرخي ذوايبه
بعيون نجل مكحلات هدوبها
مرسومةٍ مدعوجة الطرف رايبه
فابها عسير اللي بها الشوق ينتشي
وفيها قلوب الناس تغدي نهايبه
من يوم شفته يامحمد وانا اعتزي
عزوة جريح القوم باغلى قرايبه
خالي يابو فيصل سند كل منتخي
ياسيف ياشامان مذهب نصايبه
وش السوا في قلب يلعب به الهوى
من يمّ صافيت الثنايا هبايبه
بغيت أعذله مير عيّا يطيعني
وبغيت اطوّعها ولا النفس هايبه
نفسي تهاب دروب الانجاس والردى
اللي مبانيهم من الساس عايبه
هذي هجوس مولعٍ طقه الهوى
وعينه تعنت من هوى الشوق ذايبه
وسلامتكم
صالح النفيعي
موضوع: هنوف ابها 
الأحد يوليو 05, 2009 6:54 am